موضوع اعتقد يهم بعض الحداقه

[aboadil]

السلام عليكم ورحمة الله وبركاته

كيف حالكم ان شاءالله بخير وبصحه وعافيه يارب

اخواني الحداقه في موضوع قريته وما اذكر بالضبط في اي قسم ولكن الموضوع فعلا مهم والموضوع كان يخص عموم الحداقه واصحاب الطراريد
واهو عن (( المهملات )) اعزكم الله الاوساخ مثل الكيس والورق وعلب البيبسي وعلب الماي وووالخ
وفعلا نقطه إيجابيه كانت من صاحب الموضوع وجزاه الله خير اثرت في البعض والحمدلله شي طيب بأن نجمع المخلفات بكيس واحد وعند المسنه الحاويه موجوده اعزكم الله

موضوعنا عن بعض الحداقه واصحاب الطراريد طبعا نتكلم عن البعض منهم بأن يمر عند طراد او مجموعة طراريد مسلمين أمرهم ويحدقون وفي قمة السعاده .. يمر هذا الشخص وفل اسبيد ضغطه 5 و 6 ويخشط من عندهم بثلاثين و خمسين متر .. زين ليش .. وشنو المقصد .. نقول هذا مسارك مو مشكله يااخي ابعد عنهم على الاقل
بـ 200 متر وارجع لمسارك يا اخي انت في بحر مفتوح مو شارع ورصيف على الاقل لما تييي ماية الطراد تكون خفيفه وماتلعب بالطراد تقول طوفان .. يا اخي ماتفكر منو يكون في الطراد في شياب وفي عوائل وفي اطفال ولا تكون انت سبب في تعاستهم .. زين نقول مثلا تبي احداثية المكان او تبي تعرف احد بالطراد مافي مشكله ياخي خفف السرعه واخذك حاجتك وتوكل على الله .. حتى سلام مايسلم هه... زين السكوني طاير انت ياللي وياه بالطراد قوله ابعد خفف نبهه قول شي والا حالك حال الييم اللي بالجيس .
زين في البعض والاغلبيه لبغى يطرح بين الطراريد ياي شاخط ليمطرحه .. يا اخي خفف سرعتك دقه دقه ليمطرحك والله يرزقك .. ووقت الفله تبي تمشي الله وياك حرك دقه دقه ليمن تبتعد عن الطراريد ..
في سلبيات كثيره من بعض الحداقه .. لكن مافيها شي لو نعدل بعض هالسلبيات .. البحر مثل ماهو لك هم حق غيرك

وسامحوني على الاطاله

والله يهدي الجميع

[المسافر]

جزاك الله خير ،،
فعلا كلامك صحيح وهذا الشي فعلا يضايق الكل ،،
الله يهديهم ،،،

[رقوق]

(( انت ياللي وياه بالطراد قوله ابعد خفف نبهه قول شي والا حالك حال الييم اللي بالجيس ))

لوووووووووووووووووووووووووووووووووووووووووووووووووووووووووووووول



والله الوصف هذا عجيب قعدت صج أضحك

وكلامك 100% صح ياخوي الله يجزاك خير

بوصالح

[aboadil]

شاكر لكم ورحمة الله والديكم


((والله الوصف هذا عجيب قعدت صج أضحك ))

ههههه

معلش سامحوني على هالوصف بس فعلا شي يقهر

وان شاءالله هالنقطه تصير ايجابيه

[JASEM]

السلام عليكم
جزاك الله خير اخوي على طرح موضوع الاكياس الزباله عزكم الله
سبق ان تكلمنا عن هالموضوع ما فيها شي اذا كل واحد يحط له كيس
بالطراد هذا يدل على الادب والنظافه والتربيه الصحيحه ودائما احذر
الي معاي وبالنسبه للمشاخط يم الحداقه وجدامهم هذا اكيد قليل الذوق
لا والي يمر يمك ويسلم و إيده الثانيه على الانتر وهو ماشي هاااااااي
علينا ولازم يعرفون ان هناك ادب مثل ما انت مؤدب بالشارع ما يفرق
وانت بالبحر وجان زين الناس تحس بهالمضوع
اخوكم / بوحمد

[طلال حيدر]

[size=150]جزاك الله خير أخوي على هذا الموضوع بس لي وجهة نظر

أولا : عند الوقوف يجب أنك تخفف من بعيد لأن لو تمر يمي حد الدوسه أبرك منك وأنته ماشي ضغطك 2 أو 2.5

ثانيا : أنا برأي ان الكل يخور عن خط الرجوع العالم من كبر وهو عندك من الرأس السالمية قبلها بشوي حتي الأبراج ديرتك تكون 300 درجة

ثالثا : الحداقة يطلعون حتي الليل ما وياه أضاءات ؟؟؟؟؟؟ أو بس تقرب منه شب جميع أضاءاته ؟؟؟؟؟؟ [/size]