مساكم الله بالخير جميع
اخواني بارك الله فيكم شوروا علي شرايكم بطراد :
سي ماستر 33 قدم
مكاين 225 ياماها ( وحده منهم ماصار لها وقت مجفته )
كبينه مسكره _ جنيريتر _ مكيف وحده _عرزاله ومظلات عالصدر تقريبا كامل _ يبيله تنجيد كشنات الطراد صاحبه شوي مو مهتم فيه
الموديل اعتقد 92
اولا الطراد بشكل عام شرايكم فيه خصوصا اني ابيه حق محادق بعيده ومحادق السعوديه شلونه بالموج وبالمطرح وشلون ممشاه ؟
مكاينه اللي عليه مناسبه له ولا لا واذا لا شنو المكاين المناسبه سمعت انه ثقيل عليهم وثقيل بشكل عام حتى قلصه يقولون يطقق قير السياره خرعوني منه الربع الظاهر لاقيني الربع عليمي وكل واحد يصرح من عنده دوخوني والله
وسعره كم يسوى واذا الله وفق وبشتري تخبرون ميكانيكي ممتاز يطلع عليه يفحصه مكاين وممشى ؟
وهل صحيح انه يمشي بالرقوق وبيصه ما يدش بالماي الا 2 قدم ؟ ( هذي انا شاك فيها )
وياليت تعطوني معلومات عنه بشكل عام لان الكل مدحلي اياه واذا فيه طراد احسن منه وسعره مقارب له قولولي عنه الله يرحم والديكم
الله يعطيكم العافيه وارحم الله والديكم وياليت تردون علي يا اهل الخبره بأسرع وقت تراني على الله ثم عليكم بارك الله فيكم
